امریکی عدالت نے یو ٹیوب سے گستاخانہ فلم اتارنے کا حکم دے دیا

[Administrator 2,961]

امریکی عدالت نے یو ٹیوب سے گستاخانہ فلم اتارنے کا حکم دے دیا
گوگل کو اگلے چوبیس گھنٹوں میں فلم اتارنے کے احکامات جاری، پاکستان میں اگلے چند دن میں یو ٹیوب کھل سکتی ہے۔
 

’’Innocence of Muslims‘‘
امریکی عدالت نے یو ٹیوب سے گستاخانہ فلم  فوری طور پر ہٹانے کے احکامات جاری کر دئیے ہیں۔ گوگل کو عدالت کی طرف سے چوبیس گھنٹے کا وقت دیا گیا ہے، اور حکم دیا گیا ہے کہ گوگل اس بات کی یقن دہانی کروائے کہ دوبارہ اس فلم کو یو ٹیوب پر جاری نہ کیا جائے۔
یہ فلم مسلمانوں کے احتجاج کے باعث نہیں اتاری گئی، بلکہ اسمیں کام کرنے والی ایک اداکارہ کی شکائیت پر اتاری گئی ہے جس نے عدالت میں یہ درخواست دی تھی کہ اسکے ساتھ فلم کے ہدایت کاروں نے دھوکہ کیا ہے۔ اسے بتایا گیا تھا کہ صحرا کے جنگجوئوں کے بارے میں ایک فلم بنائی جا رہی ہے، جسمیں اسکا مرکزی رول ہے، لیکن بعد میں اسکی آواز تبدیل کرکے اس فلم کو مسلمانوں کیخلاف بنا دیا گیا، جس سے کروڑوں مسلمانوں کو تکلیف پہنچی ہے، اسلیئے اسے فوراََ اتارنے کا حکم دیا جائے۔
گوگل نے اس فیصلے کیخلاف قانونی جنگ لڑنے کا اعلان کیا ہے ، اس سے قبل وائیٹ ہائوس اور امریکہ محکمہ خارجہ کی درخواستوں کے باوجود گوگل نے یہ ویڈیو اپنے سرورز سے نہیں اتاری، جسکے نتیجے میں اسکی سروسز متعدد مسلم ممالک میں بند کر دی گئیں، پاکستان میں ابھی تک یو ٹیوب اسی وجہ سے بند ہے۔
اگر گوگل یہ ویڈیو اپنے سرورز سے اتار دیتا ہےاور مزید قانونی جنگ نہیں لڑتا تو امید ہے کہ اگلے چند دنوں میں پاکستان میں یو ٹیوب پر لگا بین اُتار دیا جائے گا.

[DR KHAN 15,238]

اچھا ہےگوگل والے آئندہ بھی اس چیز کا خیال کریں۔ اگر چائلڈ پورن،ریپ،قتل و غارت  اور دیگر جنسی معاملات پر بین لگایا جا سکتا ہے۔

تو پھر کسی بھی مذہب کے بارے میں نفرت یا تضحیک پھیلانے والے مود کو بھی یو ٹیوب یا نیٹ پر بین ہونا چاہیے۔

[hasnain 28]

laikan YouTube abi b band hy..............